തിരുവല്ലതൻ തീവണ്ടിപ്പാട്ട്

രാത്രിതൻ നിശ്ശബ്ദയാമങ്ങളിൽ ദൂരെ നി-

ന്നൊഴുകിയെത്തുന്നുവോ തിരുവല്ലതൻ നാദം?

രണ്ടര കിലോമീറ്റർ ദൂരത്തിപ്പുറം എന്റെ-

കാതുകളിൽ വന്നു മുട്ടുന്നു ആ കിതപ്പും കുതിപ്പും.

പണ്ട് മീറ്റർ ഗേജിൻ ഒറ്റപ്പാതയിലൂടെ

കുതിച്ചു പാഞ്ഞൊരാ കരിവണ്ടി ഓർമ്മകൾ.

ഇന്നതു ഇരട്ടപ്പാത തൻ ഇരമ്പമായി മാറി-

കാലം മായ്ക്കാത്ത കരിക്കറപ്പായി ഉള്ളിലുണ്ട്.

അന്ന് ആവി പറത്തി പാഞ്ഞൊരാ എഞ്ചിൻ പോലെ

ഇന്ന് കാനഡയിൽ ഇരുന്നു ഞാൻ മിടിക്കുന്നു.

വിമാനച്ചിറകിലേറി കൊച്ചിയിലെത്തുമ്പോൾ

ആ പഴയ തീവണ്ടിപ്പുക എന്നെ തൊട്ടുവിളിക്കുമോ?

ജി ആർ കവിയൂർ

18-03-2026

ആത്മാവിഷ്കാരങ്ങള്‍