ദേവീസ്തുതി ദളങ്ങൾ -57

 ദേവീസ്തുതി ദളങ്ങൾ -57                        

ശങ്കര ഭാഷ്യത്തെ കണ്ടിയൂർ മഹാദേവ ശാസ്ത്രിയുടെ ഭാഷാ ഭാഷ്യമായ ശ്രീ ലളിതാത്രിശതി മുൻനിർത്തി എന്റെ പരിമിതിയിൽ നിന്നും എഴുതാൻ ഉള്ള ശ്രമം ആണ് , തെറ്റ് കുറ്റങ്ങൾ  സദയം പൊറുക്കുക , അമ്മേ ശരണം ദേവി ശരണം , എന്റെ കുടുംബ ദേവതയായ പലിപ്ര കാവിൽ വാഴും ശ്രീ ഭദ്രക്കു മുന്നിൽ സമർപ്പിക്കുന്നു .

ശ്രുതി ദളം - 57 

വാച്യവാചകങ്ങളുടെ 

അഭേദ സംബന്ധം നിമിത്തം 

ഹ്രീംകാര മൂർത്തിയായ വിഗ്രഹമായുള്ളവളേ 

ശിവേ ശങ്കരി സുന്ദരി നമിക്കുന്നേൻ 

ഓം ഹ്രീംകാര മൂര്‍ത്ത്യൈ നമഃ 281 . 

ഹ്രീംകാരമാകുന്ന സൗധശൃംഗത്തിൽ 

മാളികയുടെ ഉപരിഭാഗത്തുള്ള 

ചന്ദശാലയ്ക്കു കപോതികമായി 

പെൺ പ്രാവായി ഉള്ളവളേ അമ്മേ തുണ 

ഓം ഹ്രീം‍കാര സൗധശൃംഗ കപോതികായൈ നമഃ 282 .

ഹ്രീംകാരമാകുന്ന  ദുഗ്ധാബ്ധിക്കു 

ക്ഷീരസമുദ്രത്തിനു സുധ പോലെയും 

ഹകാരയുക്തമായ ഹ്രീംകാരവും 

വെളുപ്പു നിറമുള്ള നിത്യത്വത്തിനു ഹേതു വാകുന്നവളേ ദേവി അമ്മേ 

ഓം ഹ്രീംകാര ദുഗ്ധാബ്ധി സുധായൈ നമഃ 283 . 

ഹ്രീംകാരമാകുന്നകമലത്തിന് 

പത്മാലയായ ലക്ഷ്മി ദേവി 

ഹ്രീംകാരം വിചിത്ര വർണ്ണമായ

പരമ പ്രീതി വിഷയ കമലേ വിമലേ ദേവി   

ഓം ഹ്രീംകാര കമലേന്ദിരായൈ നമഃ 284 . 

ഹ്രീംകാരമാകുന്ന മണിദീപത്തിൻ 

പ്രകാശമായി ഉള്ളവളേ ദേവി 

ഹ്രീംകാരോപാസകൻ  നിരവധി 

മഹത്വത്തോടു കൂടിയവളേ ഈശ്വരി ദേവി 

ഓം ഹ്രീംകാരമണി ദീപാര്‍ച്ചിഷേ നമഃ 285 . 

ജീ ആർ കവിയൂർ 

23  .04  .2021

300 / 5  = 60 ശ്രുതി ദളം - 57 / 60