ദേവീസ്തുതി ദളങ്ങൾ -28

 ദേവീസ്തുതി ദളങ്ങൾ -28       


ശങ്കര ഭാഷ്യത്തെ കണ്ടിയൂർ മഹാദേവ ശാസ്ത്രിയുടെ ഭാഷാ ഭാഷ്യമായ ശ്രീ ലളിതാത്രിശതി മുൻനിർത്തി എന്റെ പരിമിതിയിൽ നിന്നും എഴുതാൻ ഉള്ള ശ്രമം ആണ് , തെറ്റ് കുറ്റങ്ങൾ  സദയം പൊറുക്കുക , അമ്മേ ശരണം ദേവി ശരണം , എന്റെ കുടുംബ ദേവതയായ പലിപ്ര കാവിൽ വാഴും ശ്രീ ഭദ്രക്കു മുന്നിൽ സമർപ്പിക്കുന്നു .


ശ്രുതി ദളം - 28


സർവത്തേയും അറിഞ്ഞു 

സകലതും നയിപ്പുവോളേ 

സർവ്വാർത്ഥ സാധികേ ദേവി 

സകല ശ്രേഷ്ഠകാരിണി ഭഗവതി അമ്മേ 

ഓം സര്‍വ്വഗതായൈ നമഃ 136 


സർവ്വാന്തര്യാമിയാം ദേവി 

ആത്മ പ്രകാശിനി അമ്മേ 

കാമക്രോധാദികളാണ് അവഗണങ്ങളെ 

വർജ്ജിതയായ ദേവി നമിക്കുന്നേൻ 

ഓം സര്‍വ്വവിഗുണവര്‍ജ്ജിതായൈ നമഃ 137 


ചുവപ്പു നിറത്തോടു കൂടിയവളേ 

സർവാംഗങ്ങളിലും അരുണിമയോടെ 

സർവ്വദർശന സമ്പൂർണേ ശിവേ 

സർവാംഗ സുന്ദരി തേജോമായി ഭഗവതി 

ഓം സര്‍വ്വാരുണായൈ നമഃ 138 


സർവ്വത്തിന്റെയും മാതേ 

സത്തപ്രകാശ ജ്ഞാന 

വിഷയങ്ങളേയറിയുവോളെ   

സർവങ്ങളെയും സ്വാഭേദമായ് അറിയുവോളെ അമ്മേ ദേവി 

ഓം സര്‍വ്വമാത്രേ നമഃ 139 


അന്തരാത്മാവാക കൊണ്ട് 

ഭൂഷിതയായവളേ  ഭഗവതി 

സർവ്വഭക്തരാൽ സംപൂജിതേ 

വേദാന്ത മഹാവാക്യങ്ങളെ കൊണ്ട് ഭൂഷിതേ അമ്മേ 

ഓം സര്‍വ്വഭൂഷണ ഭൂഷിതായൈ നമഃ 140 


 ജീ ആർ കവിയൂർ 

08  .04  .2021


300 / 5  = 60 ശ്രുതി ദളം - 28  / 60  

Comments

Popular posts from this blog

കുട്ടി കവിതകൾ

കുറും കവിതകൾ ഒരു ചെറു പഠനം - ജീ ആർ കവിയൂർ

“ സുപ്രഭാതം “