ദേവീസ്തുതി ദളങ്ങൾ -54

 ദേവീസ്തുതി ദളങ്ങൾ -54                      

ശങ്കര ഭാഷ്യത്തെ കണ്ടിയൂർ മഹാദേവ ശാസ്ത്രിയുടെ ഭാഷാ ഭാഷ്യമായ ശ്രീ ലളിതാത്രിശതി മുൻനിർത്തി എന്റെ പരിമിതിയിൽ നിന്നും എഴുതാൻ ഉള്ള ശ്രമം ആണ് , തെറ്റ് കുറ്റങ്ങൾ  സദയം പൊറുക്കുക , അമ്മേ ശരണം ദേവി ശരണം , എന്റെ കുടുംബ ദേവതയായ പലിപ്ര കാവിൽ വാഴും ശ്രീ ഭദ്രക്കു മുന്നിൽ സമർപ്പിക്കുന്നു .

ശ്രുതി ദളം - 54  

രാജസ താമസാത്മകമായ 

അഭിമാനത്തോട് കൂടിയവർക്കു 

അധിക പ്രയത്നം കൊണ്ട് 

അറിയാൻ കഴിഞ്ഞവളെ  മനനാത്മികേ ദേവി 

ഓം ലബ്ധാഹങ്കാര ദുര്‍ഗ്ഗമായൈ നമഃ 266 . 

ലഭിക്കപ്പെട്ടിരിക്കുന്ന ശക്തിയോടു 

സകല സാമർത്ഥഹേതുഭൂതയായ 

മായാശക്തിയോട് കൂടിയവളേ  ദേവി 

മായാമായി മഹേശ്വരി ഭഗവതി തുണ 

ഓം ലബ്ധശക്ത്യൈ നമഃ  267 . 

സ്വേച്ഛ കൊണ്ട് അവലംബിച്ചിരിക്കുന്ന 

മൂർത്തിയോടു കൂടിയവളേ ദേവി 

മായാ ശക്തിയോടു അഭ്യാസവും 

മായാമായി ചിന്മയി ഭഗവതി നമിക്കുന്നേൻ 

ഓം ലബ്ധ ദേഹായൈ നമഃ 268 . 

ഐശ്വര്യ സമുന്നതിയോട് കൂടിയവളേ 

ശ്രീദേവ്യുപാസകന്മാരായ അഗസ്ത്യാദികൾക്കും  

മഹദൈശ്വര്യം കാണാഞ്ഞതിനാൽ 

ഐശ്വര്യ രൂപിണിയാം ശ്രീദേവിയേ നമിക്കുന്നേൻ 

ഓം ലബ്ധൈശ്വര്യ സമുന്നത്യൈ നമഃ 269 . 

വൃദ്ധി വ്യാപ്തി പരിപൂർണ്ണയായവളേ 

നിഷ്ക്രിയമായവളും  നിഷ്കളയായവളും 

നിരാമയിയായവളെ ശ്രീ ജഗദേ ഭഗവതി 

സർവ്വ വ്യാപകതയോട് കൂടിയവളേ അമ്മേ 

ഓം ലബ്ധ വൃദ്ധ്യൈ നമഃ 270 .

ജീ ആർ കവിയൂർ 

21 .04  .2021

300 / 5  = 60 ശ്രുതി ദളം - 54 / 60