Wednesday, April 7, 2021

ദേവീസ്തുതി ദളങ്ങൾ -27

 ദേവീസ്തുതി ദളങ്ങൾ -27       



ശങ്കര ഭാഷ്യത്തെ കണ്ടിയൂർ മഹാദേവ ശാസ്ത്രിയുടെ ഭാഷാ ഭാഷ്യമായ ശ്രീ ലളിതാത്രിശതി മുൻനിർത്തി എന്റെ പരിമിതിയിൽ നിന്നും എഴുതാൻ ഉള്ള ശ്രമം ആണ് , തെറ്റ് കുറ്റങ്ങൾ  സദയം പൊറുക്കുക , അമ്മേ ശരണം ദേവി ശരണം , എന്റെ കുടുംബ ദേവതയായ പലിപ്ര കാവിൽ വാഴും ശ്രീ ഭദ്രക്കു മുന്നിൽ സമർപ്പിക്കുന്നു .



ശ്രുതി ദളം - 27 


സർവ്വങ്ങളായ ജഡാവാസ്‌രൂക്കളാൽ  

സ്ഫുരണത്തെ കൊടുത്തു പ്രകാശിപ്പവളേ 

സർവ്വത്തെയും സാക്ഷാലായ് നോക്കിക്കണ്ടു 

സർവ്വ മംഗളകാരിണിയാം ദേവി നമോ നമഃ 

ഓം സര്‍വ്വസാക്ഷിണ്യൈ നമഃ 131 


സർവ്വത്തിന്റെ ആത്മസ്വരൂപമായുള്ളവളേ 

സകലർക്കും സുഖം നൽകുവോളെ ദേവി 

ശ്വാശതയാർന്നവളേ അമ്മേ 

സർവ്വസമായ ചൈതന്യം നൽകുവോളെ 

ഓം സര്‍വ്വാത്മികായൈ നമഃ 132 


സർവ്വസൗഖ്യങ്ങളേയും 

ദാനമായായ് നൽകുവോളേ 

പ്രിയേ മോദം നൽകും അമ്മേ തുണ 

ഇഷ്ടദർശനം നൽകും അമ്മേ  

ഓം സര്‍വ്വസൗഖ്യ ദാത്ര്യൈ നമഃ 133


സര്‍വ്വന്മാരേയും വിമോഹിപ്പിക്കുന്നവളേ 

സകലരാലും പൂജിതേ ശ്രീദേവി 

സകലർക്കും ജ്ഞാനൈശ്വരാദിനല്കുന്നവളേ 

സർവ്വ ദുഖങ്ങളെയകറ്റി സുഖം നൽകുവോളെ ദേവി 

ഓം സര്‍വ്വവിമോഹിന്യൈ നമഃ 134 


സർവ്വത്തിനും ആധാരമായുള്ളവളേ 

സർവ്വന്മാരുടെയും ഹൃദയങ്ങളിൽ 

ആധാരമായി വസിപ്പവളേ അംബികേ 

ഉപാസകന്മാർക്കു പ്രത്യക്ഷമായി വരമരുളുവോളെ അമ്മേ 

ഓം സര്‍വ്വാധാരായൈ നമഃ 135 


 ജീ ആർ കവിയൂർ 

04  .04  .2021


300 / 5  = 60 ശ്രുതി ദളം - 27 / 60  


No comments: