ദേവീസ്തുതി ദളങ്ങൾ -50

 ദേവീസ്തുതി ദളങ്ങൾ -50                  

ശങ്കര ഭാഷ്യത്തെ കണ്ടിയൂർ മഹാദേവ ശാസ്ത്രിയുടെ ഭാഷാ ഭാഷ്യമായ ശ്രീ ലളിതാത്രിശതി മുൻനിർത്തി എന്റെ പരിമിതിയിൽ നിന്നും എഴുതാൻ ഉള്ള ശ്രമം ആണ് , തെറ്റ് കുറ്റങ്ങൾ  സദയം പൊറുക്കുക , അമ്മേ ശരണം ദേവി ശരണം , എന്റെ കുടുംബ ദേവതയായ പലിപ്ര കാവിൽ വാഴും ശ്രീ ഭദ്രക്കു മുന്നിൽ സമർപ്പിക്കുന്നു .

ശ്രുതി ദളം - 50   

കാമേശ്വരനാൽ ആലിംഗിതമായ് 

അംഗീകൃത്യമായ് ഇരിക്കുന്നതായ 

അംഗത്തോടു കൂടിയവളേ ദേവി 

അംബികേ തുണക്കുക അമ്മേ നിത്യം 

ഓം കാമേശ്വരാലിംഗിതാംഗ്യൈ നമഃ  246 . 

കാമേശ്വരനു സുഖത്തെ പ്രദാനം ചെയ്യുന്നവളേ 

കാമേശ്വരാഭേദ രൂപമായ മോക്ഷത്തെ 

സ്വഭക്തന്മാർക്കു നൽകുന്നവളേ 

ഭഗവതി അമ്മേ നമിക്കുന്നേൻ 

ഓം കമേശ്വര സുഖപ്രദായൈ നമഃ  247 .

കാമേശ്വരനു  പരമാനന്ദഘനമായ 

സ്വസ്വരൂപത്തിൽ ഉള്ള പ്രീതിക്കു 

വിഷയ ഭൂതയായുള്ളവളേ ഭഗവതി 

വിശ്വരൂപിണി വാക് ദേവതേ  അമ്മേ 

ഓം കാമേശ്വരപ്രണയിന്യൈ നമഃ 248 . 

കാമേശ്വരന് യാതൊരു വിലാസമുണ്ടോ 

പ്രപഞ്ചരൂപേണ ഉള്ള സ്ഥിതി ഭേദത്തോടു കൂടിയവളേ ദേവി 

പഞ്ചഭൂതാത്മികേ പാമേശ്വര പത്നി പാർവതി 

തവ പാദങ്ങളിൽ നമസ്‌കരിക്കുന്നു അമ്മേ 

ഓം കാമേശ്വരവിലാസിന്യൈ നമഃ 249 .

കാമേശ്വൻറെ ജഗദാലോചനാത്മമായ 

തപസ്സ് ആരാലും സിദ്ധിക്കപ്പെട്ടുവോയവൾ 

സ്ത്രീ പുരുഷാത്മകയായ്  കല്പിച്ചിരിക്കുന്നുവോ 

ജഗൽസൃഷ്ടി സാധനഭൂതയായവളേ നമിക്കുന്നേൻ 

ഓം കാമേശ്വര തപഃസിദ്ധ്യൈ നമഃ 250 . 

ജീ ആർ കവിയൂർ 

19  .04  .2021

300 / 5  = 60 ശ്രുതി ദളം - 50 / 60