ദേവീസ്തുതി ദളങ്ങൾ -51

 ദേവീസ്തുതി ദളങ്ങൾ -51                   

ശങ്കര ഭാഷ്യത്തെ കണ്ടിയൂർ മഹാദേവ ശാസ്ത്രിയുടെ ഭാഷാ ഭാഷ്യമായ ശ്രീ ലളിതാത്രിശതി മുൻനിർത്തി എന്റെ പരിമിതിയിൽ നിന്നും എഴുതാൻ ഉള്ള ശ്രമം ആണ് , തെറ്റ് കുറ്റങ്ങൾ  സദയം പൊറുക്കുക , അമ്മേ ശരണം ദേവി ശരണം , എന്റെ കുടുംബ ദേവതയായ പലിപ്ര കാവിൽ വാഴും ശ്രീ ഭദ്രക്കു മുന്നിൽ സമർപ്പിക്കുന്നു .

ശ്രുതി ദളം - 51

കാമേശ്വരന്റെ മനസ്സിനു പ്രിയായ് 

നിരവധിക പ്രേമാസ്പദയായുള്ളവളേ 

കാമാൽകാമസംമോഹിനീയേ ദേവി 

കരുണാ കടാക്ഷമുള്ളവളേ ഭഗവതി തുണ 

ഓം കാമേശ്വര മനഃപ്രിയായൈ നമഃ 251 . 

കാമേശ്വരന്റെ പ്രാണനെ 

പരിപാലിക്കുന്നവളേ ശ്രീദേവി 

കാമേശ്വര പ്രാണനാഥ വല്ലഭേ 

കാരണകാരിണി ഭഗവതി നീയേ തുണ 

 ഓം കാമേശ്വരപ്രാണനാഥായൈ നമഃ 252 .

കാമേശ്വരനേ വിശേഷേണ 

മോഹിപ്പിക്കുന്നവളേ ദേവി 

ഭിന്നവിഗ്രഹയായ് രണ്ടെന്നുള്ള 

ജ്ഞാനത്തോട് കൂടിയവനാക്കിചെയ്യുന്നവളേ അമ്മേ 

ഓം കാമേശ്വരവിമോഹിന്യൈ നമഃ 253 . 

കാമേശ്വരനു തത്വം പദാർത്ഥ സാക്ഷാൽക്കാരയായ്  

കരുതൽ ഉള്ളവളേ  കരുണാകാരി 

കർമ്മാതി സാക്ഷിണിയേ അമ്മേ 

കലാവതിയേ അമ്മേ നമിക്കുന്നേൻ 

ഓം കാമേശ്വരബ്രഹ്മവിദ്യായൈ നമഃ 254 . 

സർവ്വജ്ഞാനം കൊണ്ട് 

ഈശ്വരീ വിഷാധിഷ്ഠാനുഭൂതയായ് 

കാമേശ്വരനു ഗൃഹേശ്വരിയായിരിപ്പവളേ 

സർവ്വത്തിനും അധിപതിയായവളേ ദേവി 

ഓം കാമേശ്വരഗൃഹേശ്വര്യൈ നമഃ 255 . 

ജീ ആർ കവിയൂർ 

21 .04  .2021

300 / 5  = 60 ശ്രുതി ദളം - 51 / 60