ലളിതഗാനം

ലളിതഗാനം

വെള്ളിക്കൊലുസിട്ടു മേഘം ചിരിതൂകി

മഴ മുത്തു ചിതറി നിലാവിനൊപ്പം

താരകൾ ചിരിതൂകിനിൽക്കേ എൻ മനതാരിൽ

അറിയാതെ നിൻ രൂപം തെളിഞ്ഞു വന്നു (വെള്ളി )

മഴനൂല്കൊണ്ടൊരു സ്വപ്‌നങ്ങൾ നെയ്‌തെന്റെ

മനമൊരു വസന്തത്തിലാറാടവേ (2)

കുളിർകാറ്റിലാടുന്ന നിൻ അളകങ്ങളാൽ

ഓലപീലികൾ ഇളകിയാടി (2)(വെള്ളി )

എൻ തൂലികത്തുമ്പിൽ നറുതിരിവെട്ടമായ്

അക്ഷരത്തുമ്പികൾ നൃത്തമാടി (2)

മിഴികളിൽ നിറഞ്ഞതും

മൊഴികളിൽ വിരിഞ്ഞതും

കോർത്തു ഞാനൊരു 

അനുരാഗകവിതയാക്കി (2)(വെള്ളി )

ജീ ആർ കവിയൂർ

10 02 2022