അഭയമാണ് (ഗസൽ)

അഭയമാണ് (ഗസൽ)

ഹൃദയം മൊഴിഞ്ഞു — പോയകാലത്തിൻ നിനവുകൾ അഭയമാണ്,

നിമിഷങ്ങളിൽ യുഗയാത്ര — ഇന്നും എന്നിലെ അഭയമാണ്.

നിൻ മൗന നൊമ്പരത്തിൽ ഒളിഞ്ഞിരിക്കുന്ന അടയാളമാണ്,

മൊഴിയാതെ ഹൃദയം അറിഞ്ഞത് — അതല്ലോ സത്യമായ അഭയമാണ്.

രാവെങ്ങും ഉറങ്ങാതെ കൺകൾ നിനക്കായ് കാത്തിരിപ്പാണ്,

നിലാവുപോലും തങ്ങി നോക്കും — അതിനും ഇതൊരു അഭയമാണ്.

നിൻ വാക്കുകളിൽ ഒളിഞ്ഞൊരു വിശ്വാസത്തിൻ നിറമാണ്,

കള്ളവും സത്യമായി തോന്നും — ഇതെന്തൊരു മായാഭയമാണ്.

നിൻ ഓർമ്മതൻ ലഹരി ഹൃത്തിൽ നിറയുന്ന ഒഴുക്കാണ്,

ബോധത്തിനുള്ളിലും മനസ്സ് — എന്നും നിന്നിൽ അഭയമാണ്.

'ജി ആർ', ഞാൻ നോവുകൾ വരികളാക്കി ഇന്ന് പാടുകയാണ്,

ഒരിക്കൽ കേട്ടവർക്കും പോലും — എന്നും ഇതൊരു അഭയമാണ്.

ജി ആർ കവിയൂർ 

26 03 2026

(കാനഡ, ടൊറൻ്റോ)