കാലമെന്ന പുഴ

കാലമെന്ന പുഴ

തിരികെ ഞാനൊന്നു നടന്നിരുന്നെങ്കിൽ 

മാറ്റാനല്ലയൊന്നും, മറിച്ച് വീണ്ടും-

അറിഞ്ഞതൊക്കെയും ആഴത്തിലൊന്നുകൂടി

അനുഭവിച്ചറിയാൻ മാത്രമായ് വിണ്ടും...

അമ്മതൻ പുഞ്ചിരി കണ്ടുനിൽക്കാൻ മാത്ര-

മൊരു കുഞ്ഞായി വീണ്ടും പിറന്നിരുന്നെങ്കിൽ!

താലോലമാടാൻ മടിയിൽ കിടന്നുകൊണ്ട്, 

ആ സ്നേഹമന്ത്രം നുകർന്നിരുന്നെങ്കിൽ!

പഴയൊരാ പാഠശാലാ മുറ്റത്തന്ന് 

പിരിഞ്ഞുപോയൊരാ ചങ്ങാതിക്കൂട്ടത്തെ,

കാണാൻ കഴിഞ്ഞിരുന്നെങ്കിൽ ഒരുവട്ടം-

ആ തമാശകളിൽ മുഴുകാമായിരുന്നു!

മക്കളോടൊപ്പം കളിച്ചുല്ലസിക്കുവാനും,

നൽകാൻ മറന്ന സ്നേഹം പകരുവാനും,

ആയുസ്സിലല്പം കൂടി മിച്ചമുണ്ടെങ്കിൽ-

ആർദ്രമായീ ലോകത്തോട് ചേരാമായിരുന്നു!

ജീ ആർ കവിയൂർ 

23 04 2026

(തിരുവല്ല, കവിയൂർ)