കൃഷ്ണ. ഭക്തി ഗാനം

കൃഷ്ണ. ഭക്തി ഗാനം 

പല്ലവി:

പീലിതിരുമുടി ചാർത്തി നിന്നോയെൻ 

നീലമേഘക്കതിർ ശോഭയോടെ

ഗോവർദ്ധനം തൻ വിരലാൽ ഉയർത്തി

ദേവപുരിതൻ വിസ്മയമായി.

അനുപല്ലവി:

മാരി ചൊരിയും മുകിൽമാല നോക്കി

പുഞ്ചിരി തൂകി മുകുന്ദൻ നിന്നു

ആലിലക്കണ്ണന്റെ മായയിൽ അന്ന്

മഴയും തളർന്നു മൗനമായി.

ചരണം 1:

അധരത്തിൽ ഏന്തിയ മുരളിതൻ നാദം

യമുനാ തടത്തിൽ ഒഴുകി വന്നൂ

കാറ്റും കിളികളും കാതോർത്തു നിൽക്കെ

കായാമ്പൂവർണ്ണൻ കളിതുടങ്ങി.

ചരണം 2:

മയിലുകൾ പീലി വിടർത്തി നിൽക്കെ

മയിലിനോടൊപ്പം ആടിനാൻ ദേവൻ

വൃന്ദാവനത്തിലെ പുണ്യമായ് അന്ന്

ചന്തമേറുന്നൊരു രാസലീല.

ജീ ആർ കവിയൂർ 

12 04 2026