തേടി നടന്നു
അവളുടെ ചുണ്ടുകൾക്കറിയാം
അവന്റെ പല രഹസ്യങ്ങളും
അവരേറെ സംസാരിച്ചു
വാക്കുകളില്ലാതെയെങ്കിലും
അവളുടെ വാക്കുകൾ അവന്റെ
പുസ്തകത്താളുകളെ ശൂന്യമാക്കി
അവളെന്നെ മരുപ്പച്ച തേടി
അവൻ എല്ലാം മറന്നു നടന്നു
മരുഭൂമിയിലൂടെ നഗ്നപാദനായി .....!!
മഞ്ഞിൻ ചുംബനം( ഗാനം)
മഞ്ഞിൻ ചുംബനം( ഗാനം) മഞ്ഞു മെല്ലെ ഉമ്മവെച്ചപ്പോൾ മനസ്സുണർന്നു, മലർവാടിയിൽ മന്ദഹാസം പൊഴിഞ്ഞു; മൗനവീണയിൽ മധുരരാഗം പിറന്നു, മാരിവിൽ വർണ്ണം ചുണ്ടിൽ വിരിഞ്ഞു. പുലരിക്കാറ്റിൽ പുഞ്ചിരി തൂകി, പൂങ്കാറ്റ് കാതിൽ പ്രണയം പറഞ്ഞു; നിലാവിൻ നൂലിഴ നെഞ്ചിൽ തഴുകി, നിശാഗന്ധിമണം സ്വപ്നമായ് പടർന്നു. കിനാവിൻ തീരത്ത് നീ വന്ന നേരം, കിളികൾ പോലും കാതോർത്തുനിന്നു; നിന്റെ മൗനം മൊഴിയായ് മാറി, നെഞ്ചിൽ പുതുഗാനം മെല്ലെ പിറന്നു. നിന്റെ മിഴികളിൽ നോക്കിയ നേരം, നേരം പോലുമൊന്നു നിന്നുപോയി; തളിരിട്ട മോഹം പൂവായ് വിടർന്നു, തനുമനമാകെ നിന്നിലലിഞ്ഞു. ഇനിയീ വസന്തം മായാതിരിക്കട്ടെ, ഇണയായ് നീയെൻ അരികിൽ നിൽക്കൂ; മാഞ്ഞുപോകാത്ത മധുരസ്വപ്നമായി, മിഴികളിൽ എന്നും നീ പൂത്തുനിൽക്കൂ. ജീ ആർ കവിയൂർ 05-10-2026 (തിരുവല്ല, കവിയൂർ)
Comments