ഗാനം

ഗാനം

കർണ്ണികാരം പൂത്തിടുന്ന മേടമാസക്കുളിർനിലാവിൽ

കാതരേ നിൻ മിഴിനിറഞ്ഞതെന്തേ

കൊതി തീരേകാണും മുൻപേകാര്യങ്ങൾ ചൊല്ലും മുൻപേ

കദനങ്ങൾ നൽകിയവൻ അകന്നുപോയോ (കർണ്ണി )

കഴിഞ്ഞദിനങ്ങൾതൻ നൊമ്പരം പേറി ഞാൻ

കനവുകൾ കാണാൻമറന്നുപോയി (2)

കണ്ണുനീർ തോരാതെ തിരിഞ്ഞും മറിഞ്ഞും ഞാൻ

നിദ്രാവിഹീനമാം രാവുകളിൽ (2)(കർണ്ണി )

രാക്കുയിൽ പാടിയ ഗാനത്തിന്നീണത്തിൽ

ശോകാർദ്ര ഭാവം നിറഞ്ഞു നിന്നു (2)

അവളുടെ കഥകേട്ടുപാടുന്നതുപോലെ 

കാതോർത്തു നിലാവിനെ നോക്കിനിന്നു (2)(കർണ്ണി )

ജീ ആർ കവിയൂർ

30 03 2022