താനേ ഒഴിയും....

താനേ ഒഴിയും ....

താനേ ഒഴിഞ്ഞു പോകുമങ്ങു

തഴുതിട്ട ദുഃഖങ്ങളൊക്കെ 

തണലായി വരുമല്ലോ 

തനുവിലിനിയും നിന്നോർമ്മകളാലെ ..

തഴുകിവരും കുളിർതെന്നലായി 

താഴമ്പൂവിൻ സുഗന്ധവും

തരിശായി കിടന്നതൊക്കെ 

തളിർക്കുന്നു  സ്നേഹത്തിൽ ,

താളം പിടിക്കുന്നു വല്ലോ

തിമിലകൾ ചേങ്ങലകൾ 

തരുണീമണികളായിരം

താലങ്ങളേന്തി വരുന്നുവല്ലോ.!!

തളരാതെ മുന്നേറുകയിനി 

തമ്പടിച്ച കദനങ്ങളകലും .

തമസ്സ് അകന്നു തെളിയുമങ്ങ്

താമര മുകുളങ്ങളിനിയും വിരിയും. 

തരളിതമാകുമീ ഭൂമിയൊക്കെ 

തമാശകളിനിയുമുണ്ടാകും

താനേ പൊഴിഞ്ഞു പോകും 

തഴുതിട്ട ദുഃഖങ്ങളിനിയും സഖേ..!!

ജി ആർ കവിയൂർ 

07.08.2020

ഫോട്ടോ കടപ്പാട് Vishnu Sivan‎