അറിയില്ല മനമേ ! ......

 

അറിയില്ല മനമേ... !

എൻ ചിന്തകളിലായിരമതാ

ചിത്രം വരച്ചു ചിറകുവിരിച്ചു

ചക്രവാളത്തിലേക്ക് പറന്നു

ചഞ്ചലചിത്തമായ് മനം

ചുംബനങ്ങൾ നൽകിയോരോ

പൂവിലും പൂന്തേൻ പൊഴിച്ചു

തുള്ളിക്കളിച്ചു ജീവിതാരാമത്തിൽ

തന്നെ മറന്നെല്ലാം മറന്നു പാറി

ഞാനെന്ന ഭാവത്തിൽ ചിറകരിയാൻ

എത്ര ശ്രമിച്ചാലുമാവതില്ലല്ലോ

വാസനാ ബലം ! അല്ലാതെന്തു പറയാൻ?

മായാ ജടിലമല്ലോയെന്നു മനനം

ധ്യാനനിമഗ്നമായ് വീണ്ടും

വല്മീകത്തിലൊതുങ്ങാമെന്നു

വാശിപിടിച്ചു ദാഹത്തോടെ

ദേഹിയെ പടിയാറു കടത്താൻ

ഇനിയും പുനർജനിക്കണോ

ഈച്ചചത്തു പൂച്ചയായ് പിന്നെ

പരിണാമചക്രങ്ങളിലൂടെ

പിടയണോയെന്നറിയില്ല മനമേ ..!!

ജീ ആർ കവിയൂർ

07 .09 .2020

2 :30 am

ഫോട്ടോ കടപ്പാട്

Aji Gowri