വേൽമുരുകനേ ഹരോ ഹരേ

വേല വേലായുധനേ വള്ളി മണാളനെ 

വേൽമുരുകനേ ഹരോ ഹരേ 

കാർത്തികേയാ കനകനീലഗഗനത്തിൽ

വിജയധ്വനി മുഴങ്ങുന്ന വേലായുധധാരീ

സൂര്യപ്രകാശം പതിഞ്ഞ ശിഖരങ്ങളിൽ

അഗ്നിശുദ്ധി നിറഞ്ഞ മുഖമണ്ഡലം

വേല വേലായുധനേ വള്ളി മണാളനെ 

വേൽമുരുകനേ ഹരോ ഹരേ 

സിദ്ധികൾ വണങ്ങുന്ന പാതസൗന്ദര്യം

സന്തതചൈതന്യം ഒഴുകുന്ന ദൃഷ്ടിയിൽ

ദേവസേനയോടൊപ്പം നിൽക്കുന്ന ധൈര്യം

അസുരഭയം അകറ്റുന്ന കൃപാവർഷം

വേല വേലായുധനേ വള്ളി മണാളനെ 

വേൽമുരുകനേ ഹരോ ഹരേ 

ഗുഹഗാനം ഉയരുന്ന കാടുകളിലൂടെ

പഴനിമല ശ്വാസമെടുക്കുന്ന പ്രഭാതം

ജ്ഞാനവേലി തെളിയിച്ച ആത്മയാത്രയിൽ

മനസ്സുകൾ മോചിതമാകുന്നു സമർപ്പണത്തിൽ

വേല വേലായുധനേ വള്ളി മണാളനെ 

വേൽമുരുകനേ ഹരോ ഹരേ 

ആലാപനമില്ലാതെ ലയിക്കുന്ന നിമിഷം

അനാഥർക്കു ദിശയായ ദൈവതത്വം

ആരാധന തന്നെയാകുന്ന പരമാർത്ഥം

ഭസ്മധാരിയായ ശുഭ്രസുബ്രഹ്മണ്യൻ

വേല വേലായുധനേ വള്ളി മണാളനെ 

വേൽമുരുകനേ ഹരോ ഹരേ 

ജീ ആർ കവിയൂർ 

21 12 2025

(കാനഡ,ടൊറൻ്റോ)