എന്നെന്നറിയാതെ

എന്നെന്നറിയാതെ 

പുഴയോരത്തിരുന്നു ചിന്തിച്ചു 

കഴിഞ്ഞകാലത്തിൻ നേർചിത്രങ്ങളോരോന്നും, 

നെൽവയലുകളും തെങ്ങും 

ചെമ്മൺപാതയു-

മുള്ളോരു ഗ്രാമത്തിലായ്!

നേർച്ചയും വഴിപാടുവുമായ് 

അമ്മയ്ക്കുകിട്ടിയ ജന്മപുണ്യം!

തൊടിയിലും പുഴയിലും, അമ്പലനടയിലും കളിച്ചുവളർന്ന ബാല്യം!

മെല്ലെ കൗമാര സ്വപ്നങ്ങളിലേക്ക് നടന്നു നീങ്ങി 

അമ്പലനടയിൽ വച്ചു ദേവിയെകണ്ടപോലാദ്യമായ് അവളെ കണ്ടതും 

സ്വപ്നങ്ങളോ- രോന്നുനെയ്തുനടന്നതും! 

ഉള്ളിലുള്ളതു പറയാനേറെനാൾ, ഉള്ളിലൊതുക്കിയതും!

അവൾ പോകും വഴികളിലൂടെ കണ്ണുനട്ടിരുന്നതും! 

അവൾക്കായിരചിച്ച കവിതകൾ 

അച്ചടിമഷിപുരണ്ട് കണ്ടപ്പോളുണ്ടായ നിർവൃതികളും! 

കൂട്ടുകാരുടെ പ്രോത്സാഹനവും! 

അവസാനം ജീവിത സമാന്തരങ്ങളി-

ലേറിയവൾയാത്രയായി. അവൾക്കായി അലഞ്ഞുതേടിയിന്നും തുടരുന്നു 

ഈ ജീവിതയാത്ര മുടിവെന്നെന്നറിയാതെ!.

ജീ ആർ കവിയൂർ  

26 01 2023