ഒളിപ്പിക്കുന്നു

എന്തിനാണാവോ നീ എന്റെ
ഏകാന്തത നിറഞ്ഞ കണ്ണുകളിലേക്കു ഉറ്റുനോക്കുന്നത്
കാറും കോളും പേമാരിയും ഇടിയും മിന്നലും
നിറഞ്ഞതാ അതിലെ കാഴ്ചകൾ
ഒരു നിഷ്കളങ്കതയും ബാക്കിയില്ല അതിൽ
എന്താണ് ഈ നിർജ്ജീവിതയിൽ തേടുന്നത്
ആരുടെയോ കൈപിടിച്ചാണ് നീ എന്നെ കണ്ടത്
നിനക്കറിയില്ല എന്റെ ഹൃദയം നുറുങ്ങിയീ
കണ്തടങ്ങളുടെ മുന്നിലായ് എത്രയോ തവണ
ഞാൻ മൗനിയാണെന്നു കരുതേണ്ട  നിന്നോട്
എനിക്കില്ലൊരു പരിഭവങ്ങളും പരിവേതനവും
വേദനകളുടെ നിഴൽപോലും ഈ കണ്ണുകളിൽ ഇല്ല
നീ എന്തെ എന്നെ ഒരു അപരിചിതമായികാണുന്നു
അതല്ലേ കണ്ണുകളിൽ ഭയവും വേദനയും നിഴലിക്കുന്നേ
ഇനിയൊന്നുമേ സൂക്ഷിച്ചിട്ടു കാര്യമില്ല
എല്ലാം ഞാനെന്റെ കണ്ണുകളിൽ ഒളിപ്പിക്കുന്നു ..!!